الأربعاء، 8 يوليو 2009

ازمه تعليم............


النهارده بقى انا جايلكم بموضوع مهم جداً وهو التعليم .....



التعليم اليومين دول أصبح شىء لا يقدره الأباء والأبناء ولا المعلمين ولا اى حد



بقى بيقدره (الا مارحم ربى) وبعدين من وجهت نظرى انهم عندهم حق



يعنى الأبناء عايزين يأخذو دروس خصوصيه علشان معظم المدرسين منفضين لهم



ومنفضيين لحكايه التعليم دى ومعتبرنها ولا حاجه طبعا برده الا مارحم ربى



ومنفضين تنفيض مابعده تنفيض وعن الطلبه ماإتعلموا واتحرقوا بجاز



هيا يعنى الحكومه دى بتديهم ايه غير انها بتديهم على قفاهم....



لالالالالالالالالالا الحكومه دى ميه ميه (ليكون فيه حد مخابرات ولا امن دوله



نروح فى شربه مايه..الواحد لسه صغير:))بس نرجع للحق المدرسين انواع



منهم إلى يحبب الطالب فى الماده (نسبه قليله ويمكن اتعدمت)ومنهم الى بيخلى الواد يكره



حاجه إسمها تعليم اساساً ومنهم إلى بيهرج ويقولك فرفشو ياعيال ماحدش واخد منها حاجه



ومنهم إلى يعلمهم بالدروس الخصوصيه وما اكثرهم الواحد منهم أول لما يدخل الحصه



يقول للعيال الدرس بكره الساعه كذا وكذا .........................



والعيال طبيعى تبقى مجبره إنها تروح لو مراحتش يبقى الحمد لله سااااااااااااااااقط



ولا حكايه الكادر إلى طلعو بيها دى دول بيذلو المدرسين قدام الطلبه



يعنى تخيل انت كده لما أستاذك إلى بيعلمك يسقط فى الكادر سعتها هيجيله عين يشرح تانى



لأطبعا وخلاص بقى أما بالنسبه للمدرسين فمنهم إلى ممكن يهَرَب الفصل علشان ميديش الحصه



عادى ومنهم إلى بيتنك على الطلبه وأصحابه الزمله وفاكر نفسه إنه دكتور جامعى ومنهم



إلى بيشدد عليهم أوى وعايز يديهم ال7 حصص بس للأسف أنه هوا مش عارف حاجه فى مادته



والله عيب ده تعليم ده ولا سرك قولوى إنتو بقى لو ده مش موجود عندكو فهوا موجود عندى أنا



وأكيد هيكون موجود عندكوم ماعلينا..................



وأهم شيء إنهم يفهمو معنى كلمه مدرس دى وصلة لدرجة إن المدرس دلوقتى بقى بيخش يفطر فى الفصل



وغيره بيخش يشرب الشاى لأنه معملش دماغ فى البيت المدام نسرت الشبشب على دماغه خارج من البيت ماريف



فيطلعه على دماغ الطالب وغيره بيخش با السيجاره فى إيده وغيره لو شغال شغلانه مع التعليم يعد يرغى



مع زبون فى المحمول ومش مهم الدرس المهم يقضى مصلحته, طب قلولى إنتو بقى ده تعليم ولا ايه



با الضبط حرام والله وفى الأخر عيزين الطالب يطلع دكتور طب إزاى بس منين يبقى دكتور



والله حرام:(

سيف

هناك 9 تعليقات:

  1. ههههههههههههههههههه

    ده التعليم اتطووووور ياجدعان
    زمان كان التعليم بينتج نص مجتمع متعلم جدا ومثقف وننبهر بيه ونص (صايع لا مؤاخذة )!
    دلوقتى بعد السيجارة والرغى واللى مزعلاه المودام فى البيت .. كل اللى هينتج من تحت ايديهم جيل كامل لايفقه اى شىء .. ربنا يستر لما اخلف على ولادى حبايبى



    يسلموووو الايدين

    تقبل مرورى
    (ملكة بحجابى )

    ردحذف
  2. مرورِك مقبول فى اى وقت واشكرك على التعليق الجميل

    ردحذف
  3. ولا زمان ولا دلوقتى اختى

    ردحذف
  4. أكيد الكلام عندك وعندنا احنا كمان عندنا كده
    بس طبعا عندنا غير عندكوا خالص
    عندنا احنا من كتر ما الطلبه اتخنقوا من المدرسيين
    قرروا انهم يأمموا المدارس لحسابهم
    يعنى الطالب بيروح المدرسه عندنا علشان يشوف البطه المشمشيه ويلبس الطقم اللى هو والتليفون الصينى اللى قد الشبشب ده ويلزق فى شعره يمين وشمال
    والبناطيل حبه فوق وحبه تحت والدنيا بايظه على الاخر فى المدرسه
    أمثله كتيره للمدارس فى مصر
    بس بقلك ايه
    بينى وبينك كده
    اكفى على الخبر ماجور
    بلاش فضايح
    .
    .
    .
    .
    انا اول مره ليا هنا
    وعجبتنى كتير مدونتك
    كون كما تحب ان تكون

    ردحذف
  5. ويهااااااااااااااا............

    ياابنى كل حاجه بايظه فى البلد جات على دى يعنى

    سلامات..سندس(اختك ...الى كتبتلك غلط:)...ها واخد

    بالك انت)

    ردحذف
  6. صوت الحق
    ***********
    عندك حق بس زمان اعتقد انه كان احسن شويه يعنى
    شكرا على التعليق
    ______________________________________________
    اقدم عاصمه فى الحب
    ********************
    هو فعلا كل مدرسه فيهاالعجب الله يكون فى عونا
    مشكور كتير على المرور اخى
    ______________________________________________
    سندس وامل
    **********
    ماشى يا فضحانى
    بس احنا لازم نبدا باألى نقدر عليه ولا ايه....؟

    ردحذف
  7. عندك حق طبعاً في كل اللي قولته

    ووالله مش عارف حال البلد دي هيتصلح ازاي

    لو في فضل التعليم بالشكل ده

    ربنا يستر

    وليد

    ردحذف
  8. مشكور كتير على ردك الجميل اخى وليد

    ردحذف
  9. لا تعليم ايه بس اللي بتقول عليه ده
    هو بقى في تعليم اصلا
    مخلاص ضاع من زمان
    ربنا يستر على الاجيال الجاية
    يا ترى هيتعمل فيهم ايه بس
    تقبل تحياتي

    ردحذف

سمعنى صوتك